Қўшимча функционаллар
-
Тунги кўриниш
Мексикалик ишқибозларнинг голни нишонлаши ер силкинишига сабаб бўлди
Фото: Anthony Vazquez / AP
Мексикалик ишқибозлар Ирвинг Лосанонинг Германия терма жамоаси дарвозасига киритган голини катта шовқин-сурон билан нишонлашди. У «ацтекларга» ЖЧ-2018 биринчи турида ғалаба келтирди.
«Р-Спорт»нинг ёзишича, сейсмологлар Мехикода Лосано тўп урган пайтда сунъий зилзилани қайд этишган. «Ер силкиниши сунъий табиатга эга бўлди. Эҳтимол, Мексиканинг жаҳон чемпионатидаги голи вақтида оммавий сакрашлар юз бергани туфайлидир. Шаҳардаги камида иккита датчик соат 11дан 32 дақиқа ўтганида уни қайд этган», - дея хабар беришди SIMMSA ер силкинишлари мониторинги тармоғидан.
Мексикалик сейсмологлар маълумоти Чилидан бўлган мутахассислар томонидан ҳам тасдиқланди.
Маълумот учун, Мехикодаги Сокало марказий майдонига Германия билан ўйинни томоша қилиш учун 75 минг киши тўпланди.
Россия мундиали
2018 йилнинг 14 июнидан 15 июлига қадар Россиянинг 11та шаҳрида 12та стадионда ЖЧ-2018 бўлиб ўтади. Россия илк бор мундиалга мезбонлик қилмоқда.
Мавзуга оид
23:38 / 22.04.2026
Германия ҳарбий стратегияни қабул қилди ва Россияни асосий таҳдид деб атади
18:52 / 21.04.2026
Россия Қозоғистон нефтини Европага етказиб беришни тўхтатади
08:50 / 15.04.2026
Зеленский: Эрондаги уруш сабаб АҚШнинг Украинага вақти йўқ
10:13 / 08.04.2026