Германия ва Франция Европа иттифоқи хавфсизлик кенгашини ташкил этишга қарор қилди

Фото: AFP

Германия канцлери Ангела Меркель ва Франция президенти Эммануэль Макрон Европа иттифоқини ислоҳ қилиш бўйича таклифни муҳокама қилишди ва Европа иттифоқи хавфсизлик кенгаши ташкил этиш ғоясини илгари суришди. Бу ҳақда Германия ҳукумати сайтида маълум қилинди.

Меркелнинг айтишича, мунозаралар Европа иттифоқи ва давлатлар ўртасида ҳамкорликни ривожлантириш учун янги имкониятлар очди.

Аввалроқ Меркель Макрон билан учрашувдан кейин Европа иттифоқининг ташқи чегараларини мустаҳкамлаш бўйича режаларни қўллаб-қувватлашини айтган.