Помпео Ким Чен Ин билан учрашувда уни ўлдириш истагида эканлигини айтган

Фото: AP/ White House

Vanity Fair нашри АҚШ давлат котиби Майк Помпео ва Шимолий Корея етакчиси Ким Чен Иннинг 9 май куни Пхеньяндаги учрашувидаги баъзи қизиқ тафсилотлардан хабар топди. Жумладан, нашрнинг Марказий разведка бошқармасидаги манбаси маълумотларига кўра, Помпео учрашувда Ким Чен Инни йўқ қилиш истагидалигини яшириб ўтирмаган.

Нашрнинг таъкидлашича, 2017 йилда Помпео Шимолий Кореядаги тузумни ўзгартириш имкони ҳақида гапирганда, кўпчилик одамлар Ким Чен Иннинг кетишини исташларини айтган.

Ким Чен Ин Помпео билан учрашувда унга айнан шу сўзларини эслатиб ўтган. Бироқ Помпео бу вазиятда ўзини йўқотиб қўймаган ва ундан юмор билан чиқиб кетган.

“Помпео қилт этмаган. МРБ директори (Помпео аввал шу лавозимни эгаллаган – таҳр.) ҳазиллашиб, Ким Чен Инни ҳамон ўлдириш истагида эканлигини айтган ва уларнинг иккиси кулиб юборишган”, деб эслаган воқеани манба.

Тайёрлаган: Шуҳрат Раҳимов

#Ким Чен Ин #Майк Помпео