Қозоғистон Россиядан товуқ импортини чеклади

Қозоғистон парранда гриппи сабабли Россиянинг бир нечта паррандачилик фабрикалари маҳсулоти импортига чекловлар қўйди. Бу ҳақда республика Қишлоқ хўжалиги вазирлигининг сайтида маълум қилинди.

«Халқаро эпизоотик бюро Россияда юқори патоген парранда гриппини қайд этди: Курск, Пенза ва Самара областларида», - дея маълум қилишган вазирликдан.

Шу тариқа, 2018 йил 21 июндан бошлаб Қозоғистон тирик парранда ва инкубацион тухум, пат, ҳамда юқоридаги корхоналардан барча турдаги парранда маҳсулотларини ўз ҳудудига олиб киришни тақиқлади.