Ободонлаштириш бошқармаси ишчиси ўғрилик учун ушланди

Фото: KUN.UZ

25 июнь куни Сурхондарё вилоятининг Термиз туманида номаълум шахс Ат-Термизий маҳалласида яшовчи Т.И.нинг уйига дераза орқали кириб, уйдан 2 млн 400 минг сўм пулини ўғирлаб кетган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Кўрилган чоралар натижасида ушбу жиноятни Шеробод туманида яшовчи туман ободонлаштириш бошқармаси ишчиси, муқаддам судланган С. Э. содир этганлиги аниқланиб ушланган.