Фото: Марадонанинг жаҳон чемпионатидаги саргузаштлари

ФИФА аргентиналик футбол афсонаси Диего Марадонага Россияда ўтаётган ЖЧ-2018 ўйинларига келаётгани учун пул тўламоқда.

Daily Mail хабарига кўра, Марадона ФИФА президенти Жанни Инфантино томонидан таъсис этилган «пул легенд» аъзоси ҳисобланади. У бу гуруҳдаги энг кўп маблағ олувчи аъзо ҳисобланади.

ФИФА президенти ўтмишдаги машҳур футболчилар турнирга ташрифи орқали мухлисларга тарихий лаҳзаларни ёдга солишини истамоқда.

Жаҳон чемпионати доирасида ўтказилган ўйинга тушгани учун Марадона 11 минг евро олмоқда (бир ўйинга 10 минг фунт ёки 13 минг доллар). Қолаверса унинг бошқа харажатлари – транспорт, меҳмонхона, чипталар ва бошқалар ҳам ФИФА томонидан қоплаб берилмоқда.

Қайд этиш керакки, Марадона жаҳон чемпионати давомида зериктириб қўймаяпти.

У Аргентинанинг Исландияга қарши ўйини вақтида сигара чекди, ҳолбуки ЖЧ-2018 ўйинлари ўтаётган стадионларда чекиш тақиқланганди, хусусан, VIP-ложаларда ҳам. Кейинроқ собиқ футболчи бундай тақиқ ҳақида билмаганини айтиб, узр сўради.

Иккинчи турда Хорватияга қарши ўйин вақтида эса Марадона ўзини ҳаддан ташқари ҳиссиётли тутди.

Нигерия билан ўйиндан олдин эса у мухлислар билан рақсга тушди. Ўйин вақтида собиқ футболчи ғалати хатти-ҳаракатларни амалга ошира бошлади.

Танаффусда ухлади.

Ғалаба голидан кейин эса у нигериялик мухлисларни ҳақорат қилди. Ўйин якунланганида у ўзини ёмон ҳис қила бошлади ва уни шифокорга олиб кетишди.

Кейинроқ маълум бўлишича, унинг қон босими пасайиб кетганди.

30 июнь куни Аргентина Францияга қарши ўйнайди, бу сафар у қандай қилиқ кўрсатади, кутамиз.