Мексикада пиротехника портлаши оқибатида 19 киши ҳалок бўлди

5 июнда Мексиканинг Тультепек муниципалитетида (Мехико штати) пиротехника ишлаб чиқарувчи устахоналарда содир бўлган портлашлар оқибатида 19 киши ҳалок бўлди, 31 киши яраланди. Бундай маълумотларни штат ҳукуматига иқтибос келтирган ҳолда Televisa телеканали келтирди.

Тультепекда иккита портлаш юз берган. Иккинчи портлаш воқеа жойига етиб келган шифокорлар, полициячилар ва ўт ўчирувчилар жабрланганларга ёрдам бераётганларида юз берган. Оқибатда бир неча ўт ўчирувчи ва полициячи ҳалок бўлган.

Тультепек Мексикада пиротехника тайёрлаш бўйича бош марказлардан бири ҳисобланади. У ердаги пиротехниканинг қатта қисми ноқонуний равишда ишлаб чиқарилади. 2016 йил декабрда шу шаҳардаги пиротехника бозорида юз берган портлаш ва унинг кетидан чиққан ёнғин оқибатида 42 киши ҳалок бўлган, ўнлаб одамлар жароҳат олган.