Ирландия конституциясидан аёллар ишламаслиги кераклиги ҳақидаги моддани чиқариб ташлаш таклиф қилинди

Ирландия ҳукумати мамлакат конституциясидан аёлларнинг оиладаги ўрни ҳақидаги моддани олиб ташлаш борасида референдум ўтказишга қарор қилди, деб хабар берди Ирландиянинг RTÉ телекомпанияси.

Гап «оиладаги ўрни туфайли аёл давлатни қўллаб-қувватлаши» ҳамда «оналар меҳнат билан шуғулланиш учун иқтисодий заруриятга эга бўлмасликлари» қайд этилган 41.2-модда ҳақида бормоқда.

Референдумни 2018 йил октябрида, президент сайлови билан бир кунда ўтказиш режалаштирилмоқда.

Адлия вазири Чарли Флэнаган конституция қабул қилинганидан 80 йил ўтиб, унда 41.2-моддага ўрин йўқлиги маълум бўлганини билдирди.

«У гендер тенгликка эришиш борасидаги замонавий мақсадга путур етказади», — деди Флэнаган.