Bugatti компанияси августда АҚШнинг Пеббл-Бич шаҳрида ўтувчи башанглик танловига нархи 5 млн еврони ташкил қилувчи ҳашаматли Divo гиперкарини олиб келади. Мутахассисларнинг фикрича, бу машина янги модел бўлмай, Chiron моделининг ўзига хос версиясигина бўлади.
Дастлабки маълумотларга кўра, гиперкар 100 дона миқдорда ишлаб чиқарилади, бироқ автомобилга буюртма берилишининг илк кунлариёқ барча машиналар тақсимлаб бўлинган. Келгусида машинани янада қимматроқ нархда сотиб олиш имкони бўлади.
Таъкидланишича, янги Bugatti Divo тезлашиш нуқтаи назаридан француз маркасининг энг тезкор машинаси бўлади. Машина 100 км/соат тезликка 2,5 сонияда эриша олади, максимал тезлиги эса, аксинча, 420 км/соатдан 385 км/соатгача камйтирилган. Машина ҳақидаги батафсил маълумот Пеббл-Бичдаги тадбирдан кейин пайдо бўлади.
