Қўшимча функционаллар
-
Тунги кўриниш
Парижда Франциянинг ЖЧ-2018’даги ғалабаси шарафига метро станциялари қайта номланди
Фото: REUTERS/Jean-Paul Pelissier
Париж шаҳар транспорт бошқармаси футбол бўйича миллий терма жамоанинг ЖЧ-2018’даги ғалабаси шарафига метронинг 6 станциясини вақтинчалик қайта номлашга қарор қилди. Жумладан, иккита станция терма жамоа бош мураббийи Дидье Дешам ва биттаси жамоа сардори Уго Льорис номига қайта номланди.
Станциялар аввалги номи деярли сақланиб қолган ҳолда сўз ўйинидан фойдаланган ҳолда қайта номланган. Мисол учун, Victor Hugo станцияси Уго Льорис шарафига Victor Hugo Lloris (Виктор Уго Льорис) деб, Дешам шарафига эса Notre-Dame des Champs станцияси Notre Didier Deschamps (Бизнинг Дидье Дешам), Сhamps-Elysees – Clemenceau станцияси Deschamps Elysees – Clemenceau (Дешам Элизе - Клемансо) деб номланган.
Шунингдек, Charles de Gaulle – Etoile станцияси On a 2 Etoiles (Бизда энди иккита юлдуз бор), Avron эса Nous Avron Gagne (Биз Авронда ютдик), Bercy эса Bercy les Bleus (Раҳмат, Кўклар) деб қайта номланган.
Шунингдек, Лондон метросиниинг Southgate (Саутгейт) станцияси Англия терма жамоасининг жаҳон чемпионатида 4-ўринни эгаллагани шарафига 2 кунга жамоа бош мураббийи шарафига Gareth Southgate (Гарет Саутгейт) деб қайта номланиши маълум қилинган.
Россия мундиали
2018 йилнинг 14 июнидан 15 июлига қадар Россиянинг 11та шаҳрида 12та стадионда ЖЧ-2018 бўлиб ўтади. Россия илк бор мундиалга мезбонлик қилмоқда.
