Мексикада ўғирлаб кетилган радиоактив контейнер бир ҳафта ўтгач топилди

Фото: AP/ Gustavo Aguado

16 июлда Мексика фуқаролик мудофааси миллий хизмати аввалроқ ўғирлаб кетилган радиоактив контейнер топилганини маълум қилди.

Ичида иридий-192 радиоактив элементи бўлган контейнер Мехикода 8 июлда ўғирлаб кетилган. Шундан кейин контейнер пайдо бўлиши мумкин бўлган 11 та штатда тревога эълон қилинган.

Контейнер топилгач, тревога ҳам бекор қилинди. Ҳукумат контейнер уни ўғирлаганларга хавф солиши мумкинлигини маълум қилган. Юк номаълум киши томонидан аноним қўнғироқ бўлгач топилган.

Радиоактив материаллар ўғирланиши Мексикада тез-тез учраб туради. 2017 йилда ва 2018 йил февралида Мексикада шундай ўғирликлардан бир нечтаси содир этилган.