АҚШ Шимолий Кореяни ядровийсизланишда вақт билан чекламайди – Трамп

Фото: AP Photo/Susan Walsh

АҚШ Шимолий Кореяга ядровий қуролини йўқ қилишида ҳеч қандай муддатлар қўймайди. Бу ҳақда АҚШ президенти Дональд Трамп айтиб ўтди.

“Бизда вақт чекловлари, суръатлар бўйича чекловлар йўқ”, деб айтган Трамп журналистларга. Шу билан бирга Трамп бу масаланинг муҳокамаси “жуда яхши кечаётганини” айтган.

Трамп Шимолий Корея муаммосини Хельсинкида Россия президенти Владимир Путин билан муҳокама қилганини маълум қилган. “Президент Путин бу жараёнга қўшилишга тайёрлигини айтган, яъни у биз билан бирга”, деб айтган Трамп.