Яна бир ташкилотга ходимларини Тошкент шаҳри ва вилоятида доимий прописка қилиш имконияти берилди

Мактабгача таълим вазирлигида ишловчи ходимлар ҳам Тошкент шаҳри ва Тошкент вилоятида доимий прописка қилиниши мумкинлиги белгиланди. Бу ҳақда Адлия вазирлигининг «Ҳуқуқий ахборот» каналида хабар берилди.

Ҳукуматнинг 2018 йил 18 июлдаги қарори билан Мактабгача таълим вазирлиги раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат органлари ва бошқа давлат ташкилотлари рўйхатига киритилди.

Эслатиб ўтамиз, ўтган ойда Ўрмон хўжалиги қўмитасига ҳам шундай ҳуқуқ берилганди. Шу тариқа, рўйхатдаги ташкилотлар сони 67 тага етди.