Шоҳжаҳон Эргашев угандалик рақибга қарши рингга кўтарилади

Айни пайтда профессионал боксда фаолият олиб бораётган Шоҳжаҳон Эргашев навбатдаги жангини 19 август куни Москвада ўтказади. Кеча унинг рақиби маълум бўлди.

Миллий олимпия қўмитасининг маълум қилишича, Эргашевга навбатдаги жангида угандалик Жума Васва рақиблик қилади. Ушбу жангда Шоҳжаҳон ўзининг WBA International камарини ҳимоя қилади.

Маълумот учун, Шоҳжаҳон Эргашев профессионал рингда бунгача 13та жанг ўтказган ва уларнинг барчасида ғалаба қозонган. Баҳсларнинг 12тасида эса у рақибларини нокаут эвазига мағлуб этган.

Васва эса бунгача профессионал боксда 13 та жанг ўтказиб, уларнинг 10 тасида ғалаба қозонган (4та нокаут). 2та жангда мағлуб бўлган бўлса, 1та тўқнашувда дуранг қайд этган.