«Эрон АҚШга қарши кенг кўламли киберҳужумга тайёрланмоқда»

Фото: Getty Images /iStockphoto

Эрон АҚШга қарши кенг кўламли киберҳужумларни амалга ошириш учун барча керакли қурилмаларни тайёрлаб қўйди. Бу ҳақда NBC News манбаларга асосан хабар бермоқда.

Телеканал маълумотларига кўра, эронлик ҳакерлар АҚШ ва Европада давлат ҳамда хусусий компаниялар инфратузилмасига ҳужум уюштириши мумкин.

Таъкидланишича, АҚШ ҳукумати ўз иттифоқчиларини Эрон томонидан эҳтимолий киберҳужумлар юз бериши мумкинлиги борасида огоҳлантирган.

Шу билан бирга, Вашингтондагилар таҳдидни «муқаррар» деб ҳисоблашмоқда.

Аввалроқ ОАВ АҚШда шаҳарлар маъмурияти компьютер тизимларига ҳакерлик ҳужумлари сони кўпайиб бораётгани ҳақида хабар берганди.

#АҚШ #Эрон #киберҳужум