Эронда бир кун ичида тўртинчи зилзила юз берди

Фото: AFP

23 июлда Эроннинг Кирман вилоятида 5,8 магнитудали зилзила юз берди. Бу ҳақда Эрон сейсмология марказига иқтибос келтирган ҳолда ISNA ахборот агентлиги маълум қилди.

Ахборот агентлиги маълумотларига кўра, вилоятдаги илк ер силкинишлар маҳаллий вақт билан соат 01.09да қайд қилинган. Зилзила ўчоғи 10 км чуқурликда бўлган.

Айни вақтда талофатлар ва жабрланганлар ҳақида маълумот йўқ.

Бундан аввал Эронда бир кун ичида 3 та зилзила қайд қилинганди. Улардан энг кучлиси Кирманшоҳ вилоятида қайд қилинган 5,9 магнитудали зилзила бўлган. Унинг кучи деярли бутун мамлакат бўйлаб сезилган. Оқибатда вилоятда яшовчи 287 киши турли жароҳатлар олган, 101 та бино буткул вайрон бўлган, 850 та бинога шикаст етган.