Фирибгарлик йўли билан 80 минг долларни олган шахс қидирилмоқда - ИИВ

Тошкент шаҳрининг Шайхонтоҳур туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

24 июль куни ИИБга тушган ҳужжатларга кўра, шу йил 14 май куни Тошкент вилоятида яшовчи муқаддам судланган Б.Д. Лабзак кўчасида таниши “Fruits-Turtkul” МЧЖ иш юритувчиси И.Б.га тадбиркорлик билан шуғулланишини айтиб, алдов йўли билан 80 минг АҚШ долларини олиб, уларни юқоридаги МЧЖ ҳисобига тушириб беришни ваъда қилиб  уни бажармай пулларни ўз эҳтиёжлари учун ишлатиб юборганлиги кўрсатилган. 

Ҳозирда Б.Д.ни ушлаш чоралари кўрилган.