UFC президенти ўғлининг туғилган кунига 1 млн доллар сарфлади

Фото: Mark J. Rebilas-USA TODAY Sports

Мутлақ жангчилар чемпионати (UFC) президенти Дэна Уайт ўғли Эйданнинг туғилган кунини нишонлаш учун анча катта миқдорда маблағ сарфлади.

MMAFighting маълумотига кўра, Уайт 16 ёшли ўғлининг туғилган кунига 1 млн доллардан кўпроқ маблағ сарфлаган. UFC президенти Лас-Вегасдан тунги клубни ижарага олгани айтилмоқда. Базмда таклиф этилган «юлдузлар» сифатида Migos, Everlast, DJ Carnage ва A$AP Rocky иштирок этди.

Шунингдек, Эйданга UFC чемпионларига тақдим этилувчи совринга жуда ўхшаш бўлган чемпионлик камарини беришган. Кичик Уайт отасидан Land Rover Defender машинасини совға сифатида қабул қилиб олди.

Қайд этилишича, Эйдан Уайт жорий йилда ҳаваскорлик боксида муваффақиятли равишда дебют қилди.