Франция АҚШдаги UFC турнири сабабли G7 саммити муддатини ўзгартирди

Франция Вашингтонда бўлиб ўтадиган UFC турнири сабабли “Катта еттилик” саммити ўтказиладиган санани ўзгартирди. Бу ҳақда Politico газетаси хабар берди.

Ўтган йили Париж 2026 йилнинг 14-16 июн кунлари юқори даражадаги G7 саммити ўтказилишини маълум қилганди. Октябрда АҚШ президенти Доналд Трамп 14 июн куни Оқ уйда UFC турнири ўтказилишини эълон қилди.  

Натижада саммит 15-17 июн кунларига кўчирилди.

Франция президенти Эмманюэл Макрон матбуот хизмати нашрга тадбир санаси кўчирилиши сабабларини маълум қилмаган.

Оқ уй вакилининг сўзларига кўра эса, "ҳамкорлар президент Трампнинг G7 саммитида иштирок этишини жуда муҳим деб ҳисоблашгани учун АҚШ президентининг иш жадвалини ҳисобга олиб муддатни бир кунга суришган".

Трампнинг сўзларига кўра, Оқ уйдаги UFC турнири АҚШ мустақиллик декларацияси қабул қилинганининг 250 йиллиги тантаналари доирасида ўтказилади.