Сурия жанубида юз берган теракт оқибатида 30 киши ҳалок бўлди

Фото: SANA

Сурия жанубидаги Ас-Сувайда шаҳрида юз берган портлаш оқибатида 30 киши ҳалок бўлди. Бу ҳақда РИА «Новости» полициядаги манбаларга асосан хабар қилмоқда.

Қайд этилишича, жароҳат олганлар сони аниқлаштирилмоқда.

Ас-Сувайда шаҳридаги бозорда худкуш террорчи портловчи қурилмани ҳаракатга келтирган. Шу билан бирга, Сурия армияси ИШИД гуруҳига алоқадор бўлган икки нафар террорчи ҳужумининг олдини олгани айтиляпти. Улар портловчи қурилмаларни ҳаракатга келтиришдан олдин йўқ қилинган.

Эслатиб ўтамиз, аввалроқ Исроил Россиянинг Сурия ҳудуди жанубида эронлик ҳарбийлар бўлмаган зонани яратиш тўғрисидаги таклифини рад этганди.