Полициячи рельсларда ухлаб қолган йигитни сўнгги лаҳзада қутқариб қолди (видео)

Нью-Жерси штати Перт‐Эмбой шаҳри полициясига темир йўлда ухлаб ётган одам ҳақида ташвишли хабар келиб тушган. Зобит Кайл Савойя нима бўлганини тушуниб етиш учун воқеа жойига йўл олади. У яқинлашиб келаётган поездни кўргач, бутун кучи билан унга қараб югурган. Зобитнинг кийимига ўрнатилган камера бу вақтда ишлаётган эди.

У “Кет, кет!”, деб бақирган, бироқ йигит уни эшитмаган. Бундан ташқари, у яқинлашиб келаётган поезднинг овозини ҳам эшитмади. У ўлимидан саноқли сониялар ажратиб турганида, қичқириқни эшитиб қолган ва ортга ўгирилиб, бир четга сакраб қолишга муваффақ бўлди.

Ҳодисадан кейин у полициячининг кўз ўнгида йиғлаб юборди ва ҳаётини сақлаб қолгани учун унга миннатдорчилик билдирди. Йигит қандай қилиб рельсларда ухлаб қолганини тушунтириб бера олмади.