Нью-Йоркда полиция отиб ўлдирилган тўрт кишининг жасадини топди

Фото: Christopher Sadowski

Нью-Йоркда тўрт кишининг жасадлари топилди, улар отиб ўлдирилган. Бу ҳақда маҳаллий полиция сайтида хабар қилинади.

Таъкидланишича, ҳодиса ҳақида 30 июль куни кечқурун маълум бўлган. Ҳуқуқни муҳофаза қилиш органлари ходимлари Куинс округидаги турар-жойлардан бирига келишган ва отиб ўлдирилган тўрт кишининг жасадини топишган.

Полиция жиноий бўлими раҳбари Дермот Шейнинг сўзларига кўра, икки аёл, бир эркак ва бир нафар ёш бола (тахминан беш ёшда) ҳалок бўлган. Дастлабки маълумотларга кўра, полиция қурбонларнинг бирининг шахсини аниқлашга муваффақ бўлди.