Қўшимча функционаллар
-
Тунги кўриниш
Трамп Евроиттифоқ АҚШдан суюлтирилган газ учун 11та портни қуришга тайёрлигини маълум қилди
Фото: Pat Benic/UP
АҚШ президенти Дональд Трампнинг Италия бош вазири Жузеппе Конте билан учрашувдан кейин ташкил этилган матбуот анжуманида маълум қилишича, Европа Иттифоқи давлатлари Қўшма Штатлардан суюлтирилган табиий газни қабул қилиш учун 9-11та портни қуришга тайёр турибди. Матбуот анжумани видеоси CBS News’нинг YouTube’даги каналида эълон қилинди.
«Биз Европа Иттифоқи расмийлари билан Европада суюлтирилган табиий газни қабул қиладиган 9-11та портни қуриш тўғрисидаги масалани муҳокама қилиб бўлганмиз», - дея айтиб ўтди Трамп.
Шу билан бирга, Контенинг таъкидлашича, АҚШ президенти билан Италия ва жанубий Европа давлатларига газ етказиб беришни таъминлайдиган Трансадриатик қувурини қуриш масаласини муҳокама қилган.
Эслатиб ўтамиз, аввалроқ Евроиттифоқ АҚШдан суюлтирилган газ импортини кескин ошириши хабар берилганди.
