12 ёшли болакай Мексикадаги энг йирик университет талабасига айланди

Эндигина 12 ёшга тўлган истеъдодли болакай Мексикадаги энг катта олий ўқув даргоҳи бўлган Миллий автоном университет талабасига айланди.

Карлос Антонио Сантамарияни университетдагилар тўққиз ёшидан бери билишади, у ўша вақтда курсларни муваффақиятли тамомлаб таҳлилий химия, биохимия ва молекуляр биология бўйича даража олган, дейилади UNAM матбуот релизида. Ўқишни давом эттириш мақсадида у 6 августдан бошланадиган биотиббиёт физикаси курсини танлади.

"У ота-онаси ўқишга етаклаб келадиган ягона талаба бўлади", – дейилади матбуот релизида.

Олий ўқув юртига кириш имкониятига эга бўлиш учун Сантамария ўрта мактаб битирув имтиҳонларини муддатидан олдин топширди. 

"Мен шунчаки ўқишни истайман: агар эшикдан ҳайдашса, деразадан кираман", — дейди ёш талаба.