Шавкат Мирзиёев Владимир Путинга ҳамдардлик билдирди

Иллюстратив фото/1ZOOM.Me

Ўзбекистон президенти Шавкат Мирзиёев 4 август куни Красноярскда вертолёт қулагани оқибатида кўплаб инсонлар ҳалок бўлгани муносабати билан Россия президенти Владимир Путинга ҳамдардлик билдирди. Бу ҳақда Ўзбекистон президенти матбуот хизмати хабар берди.

Эслатиб ўтамиз, 4 август куни эрталаб Россиянинг Красноярск ўлкасида Ванкор кони яқинида Ми-8 вертолёти ҳалокатга учраган.

Хабар қилинишича, вертолёт бортида бўлган 18 нафар кишининг барчаси ҳалок бўлган.

Таъкидланишича, вертолёт қулаганидан сўнг бутунлай ёниб кетган.