Lamborghini'ни ижарага олган британияликка тўрт соат ичида 33та жарима ёзилди
Буюк британиялик йигирма беш ёшли сайёҳ Дубайда Lamborghini Huracan автомобилини ижарага олди ва тўрт соат ичида тезлик қоидасини 33 марта бузди. Полициянинг маълумот беришича, у машинани соатига 240 километр тезликда ҳайдаган. Бу ҳақда The National нашри хабар берди.
Saeed Ali Rent ижара фирмасининг маълум қилишича, улар суперкарни ижарага берганларининг эртаси куни жарима тўғрисидаги хабарномаларни олишни бошлашган. Умумий жарима миқдори 175 минг дирҳамни (47644 доллар) ташкил этган. Автомобилни икки кунга ижарага олиш сайёҳга олти минг дирхамга (1633 доллар) тушган.
Ижара фирмаси Lamborghini’ни жарима тўлаш масаласи ҳал бўлгунга қадар британияликда қолдиришга қарор қилган. Бунинг сабаби, автомобиль қайтариб берилган ҳолда компаниянинг ўзи тўлаши учун жарима компания номига ёзилади.
Мавзуга оид
07:20 / 20.09.2024
Дарахтларни кесиш ва қасддан қуритиш учун жарималар оширилади
22:21 / 18.09.2024
Европа Иттифоқи суди Google’га белгиланган 1,5 млрд евролик жаримани бекор қилди
23:46 / 13.09.2024
Шри-Ланкада капалак ўғрилари 200 минг доллар жаримага тортилди
18:07 / 10.09.2024