"Барселона" "Севилья"ни мағлуб этиб, 13-маротаба Испания Суперкубогини қўлга киритди

Фото: Барселона

"Барселона" Испания Суперкубоги учун баҳсда "Севилья"ни мағлуб этди. Марокашдаги "Cтад де Танжер" стадионида кечган учрашув 1:2 ҳисобида "Барселона" фойдасига ҳал бўлди.

Ўйиннинг 9-дақиқасида Сарабия "Севилья"ни ҳисобда олдинга олиб чиқди. Биринчи бўлим тугашига 3-дақиқа қолганида Пике орадаги фарқни тенглаштирди. Каталонияликларга ғалаба келтирган гол 78-дақиқада Дембеле томонидан киритилди.

"Барселона" ўз тарихида 13-маротаба Испания Суперкубогида ғолиб бўлди ва бу борада энг яхши натижани қайд этишда давом этмоқда. Унинг энг яқин таъқибчи бўлган "Реал Мадрид" 10 маротаба Испания Суперкубогида зафар қучган.

Севилья – Барселона 1:2 (1:1, 0:1)

Голлар: 1:0 – 9 Сарабия, 1:1 – 42 Пике, 1:2 – 78 Дембеле.
Севилья – Вацлик, Кьер, Гомес, Меркадо (Бен-Йеддер, 85), Эскудеро, Банега, Меса, Сарабия (Алеиш Видаль, 71), Навас, Васкес, Муриэль (Андре Силва, 60).
Барселона – тер Стеген, Пике, Нелсон Семеду, Альба, Лангле, Бускетс, Рафинья (Ракитич, 46), Артур (Коутиньо, 53), Дембеле (Видаль, 86), Месси, Суарес.
Огоҳлантиришлар: Бускетс (16), Васкес (24), Меса (69), тер Стеген (90), Лангле (90), Алеиш Видаль (90).

Тайёрлаган: Азимжон Бердибеков

#Барселона #Севилья