Трампга қарши акцияга 350га яқин ОАВ қўшилди

350га яқин оммавий ахборот воситаси матбуот эркинлигини ҳимоя қилиш мавзусида таҳририят мақолаларини эълон қилади. Бу ҳақда Британиянинг The Guardian нашри хабар берди.

Улар аввалроқ «ОАВ – халқ душмани» деган Дональд Трампга мана шундай жавоб қайтаришмоқчи.  Америка президентига қарши ва матбуот эркинлиги ҳимояси учун ўтказилаётган акция Boston Globe газетаси ташаббуси билан бўлмоқда. Газетанинг ёзишича, акциядан мақсад «эркин матбуотга қарши ифлос уруш»ни қоралашдир.

Акцияда иштирок этаётган Британиянинг The Guardian газетаси Трамп мунтазам равишда матбуотга ва айрим мухбирларга ҳужум қилишини, ОАВ хабарларини «сохта янгиликлар» (fake news) деб аташини эслатиб ўтган.