Ўзбекистон ОТЖнинг гуруҳдаги энг муҳим ўйини олдидан фотогалерея

Ўзбекистон олимпия терма жамоаси Осиё ўйинларидаги 2-тур баҳсида Қатар олимпиячиларига қарши майдонга тушади.

Равшан Ҳайдаров шогирдлари гуруҳдаги дастлабки турда Бангладеш устидан 3:0 ҳисобида ғалаба қозонган, Таиланд-Қатар ўйинида эса дуранг (1:1) қайд этилганди. Айни пайтга келиб, рақибларимиз ўзаро 2-тур баҳсини якунлашди. Бангладеш – Таиланд ўйинида ҳам 1:1 ҳисоби қайд этилган.

Демак, агар бугун Ўзбекистон термаси ғалаба қозонадиган бўлса, муддатидан олдин плей-офф йўлланмасини қўлга киритади.

Эслатиб ўтамиз, 6 та гуруҳдан 1-2-ўринларни эгаллаган 12 та терма тўғридан тўғри кейинги босқичга чиқса, 3-ўрин соҳибларидан энг яхши кўрсаткичга эга 4 жамоа ҳам плей-офф иштирокчиси бўлади.

Фотомухбиримиз Жакартадаги «Пакансари» стадионидан ўйин олди фотогалереясини тайёрлади.