“Толибон” ҳаракати Афғонистон президенти Ашраф Ғани томонидан эълон қилинган бир томонлама ярашувга жавоб бермаган бўлса-да, 20 августда асирда ушлаб турган юзлаб одамларни қўйиб юборишини маълум қилди. Бу ҳақда TOLO News телеканали хабар бермоқда.
Аввалроқ Ғани кириб келаётган Қурбон ҳайити шарофати туфайли толиблар билан 3 ойга ўт очиш тўхтатилишини эълон қилиб, “Толибон”ни ҳам шундай йўл тутишга чақирганди.
Толибларнинг тушунтиришича, асирлар ҳайит байрами қувончини ўз оилалари ва яқинлари билан бирга бўлиша олишлари учун озод қилинишади.