Круиз лайнеридан тушиб кетгач денгизда 10 соат қолиб кетган аёл омон қолди

Буюк Британия фуқароси, 46 ёшли Кэй Лонгстафф исмли аёл АҚШнинг Norvegian Star круиз лайнеридан Адриатика денгизига тушиб кетиб, денгизда 10 соатча қолиб кетгач, мўъжизавий равишда омон қолди. Бу ҳақда Euronews телеканали хабар берди.

Воқеа 19 август яримтунда, Хорватия соҳилларидан 95 км узоқликда юз берган. Аёлни эрталаб соҳилбўйи қўриқлаш хизмати у кемадан тушиб кетган жойдан 1300 метр узоқлиқда аниқлаган. Қутқарувчиларнинг айтишича, аёл жуда ҳолдан тойган ҳолатда бўлган. У шифохонага етказилган. Шифокорларнинг таъкидлашича, аёлнинг ҳаёти хавф остида эмас.