Самарқандда уч кун давомида Silk Road Bazaar фестивали бўлиб ўтади

24 августдан 26 августга қадар Самарқанд шаҳрининг Ислом Каримов кўчасида ҳунармандчилик ва савдо миллий фестивали бўлиб ўтиши кутилмоқда. Самарқанд вилоят туризм ишлари бошқармасининг Kun.uz’га хабар беришича, фестивал шарқона бозор услубида ташкиллаштирилади. 

Тадбир давомида ҳунармандлар ўз ҳунарларини намойиш этишади, нон маҳсулотлари, миллий таомлар ва шарқона ширинликлар кўргазмаси ҳам бўлиб ўтади. Шаҳар меҳмонлари учун миллий фольклор концертлари ҳам ташкиллаштирилади. Тадбир эрталабдан кечгача давом этади. 

Истовчилар «Буюк ипак йўли» фестивалида эсдалик учун сувенирлар харид қилишлари мумкин бўлади.