Пхеньян ракета полигонини демонтаж қилишни тўхтатиб қўйгани маълум қилинди

Шимолий Корея мамлакат шимолидаги Сохэ ракета полигонини демонтаж қилишни тўхтатиб қўйди. Бу ҳақда Шимолий Кореянинг ракета-ядровий фаолиятини сунъий йўлдошлардан олинган суратлар асосида кузатиб борувчи 38 Notrh портали маълум қилди. Бу полигонда ўз вақтида “Хвасон-15” қитъалараро баллистик ракетаси синовдан ўтказилган.  

Кузатувчиларнинг таъкидлашича, 3 августдан полигонда демонтаж бўйича бирорта аҳамиятли иш олиб борилмаган. Аввалроқ демонтаж қилинган иншоотлар қисмлари ҳеч қаерга олиб чиқиб кетилмаган.   

Сохэда 24 июлдан бошлаб демонтаж ишлари бошлангани маълум қилинганди. Мутахассислар сунъий йўлдошдан олинган маълумотларга асосланиб, ишлаб чиқариш биноси ва ракета двигателларини синашга мўлжалланган стенд демонтаж қилинганини тасдиқлашганди. 

Сохэ Шимолий Кореянинг бош ракета полигони (космодром деб ҳам аталади) бўлиб, ундан баллистик ракеталар учирилган. Полигон Хитой чегараси яқинида, Пхеньяндан шимол томон 200 км узоқликда жойлашган. 

Полигоннинг ёпилиши АҚШ президенти Дональд Трамп ва Шимолий Корея етакчиси Ким Чен Иннинг Сингапурдаги учрашувида муҳокама қилингани айтилади.