Фото: ABC
24 август куни Парагвай полицияси номаълум шахслар Капиата шаҳридаги қурол-яроғ омборидан 42 дона FN FAL винтовкасини ўғирлаб кетишганини хабар қилди. Ўғрилар жиноят сезилмаслиги учун ҳақиқий қуроллар ўрнига ўйинчоқ милтиқларни қўйиб кетишган.
Ушбу қуроллар замонавийларига алмаштирилгани учун қурол-яроғ омборига топширилганди. Аммо ўтган йили қора бозорда бир нечта FN FAL милтиқлари сотилаётгани маълум бўлган.
Полиция суриштирув ишларини бошлади ва текширув чоғида ҳақиқий қуроллар ўрнида ўйинчоқ қуроллар тургани маълум бўлди. Маҳаллий ОАВ бу воқеани Парагвай полицияси тарихидаги «энг шармандали ҳолат» деб атади.
