Трамп ва Меркель Идлиб ҳамда Украина бўйича чақириқ билан чиқди

Фото: AP

АҚШ президенти Дональд Трамп ва Германия канцлери Ангела Меркель Суриянинг Идлиб вилояти ва Украина бўйича халқаро саъй-ҳаракатларга чақиришди. Бу ҳақда РИА «Новости» хабар бермоқда.

«Ҳар икки етакчи Идлиб вилоятида гуманитар инқирознинг олдини олиш мақсадида халқаро ҳаракатларга, шунингдек, Украина шарқидаги можарога ечим топиш бўйича саъй-ҳаракатларни тиклашга чақирди», - дейилади хабарда.

Аввалроқ, Трамп ва Меркель савдо тўсиқларини бартараф этиш бўйича АҚШ-ЕИ музокараларини қўллаб-қувватлагани хабар қилинганди.

Шунингдек, Дональд Трампнинг маълум қилишича, Мексика билан янги савдо келишувига эришилган.

#Дональд Трамп #Украина #Ангела Меркель #Идлиб