АҚШ Россия Сурияда нималарни кўзлаётганини маълум қилди 

АҚШ охирги 1,5 йил ичида Россиянинг Суриядаги ҳарбий техникаси ва имкониятлари ҳақида маълумот тўпламоқда. АҚШ ҳарбий-ҳаво кучлари марказий қўмондонлигининг истеъфога кетаётган раҳбари Жеффри Харриганнинг бу ҳақдаги сўзларини Defense News келтириб ўтди.

Харриганнинг айтишича, Москва Суриядан нафақат янги қуроллари учун “синов стенди”, балки АҚШ техникасини кузатиш учун фойдаланмоқда. Шу билан бирга Вашингтон ҳам охирги 1,5 йил Россия қуроли ортидан кузатмоқда. “Албатта, биз Россия Сурияга олиб келган баъзи имкониятлардан хабардор эдик”, деб ёзган Харриган.

Генерал-лейтенантнинг айтишича, гап 4++ авлоддаги Су-34 ва Су-35 қирувчи самолётлари ҳақида кетмоқда ва бу қирувчилар ҳақида тўпланган маълумот АҚШнинг 5-авлоддаги F-35B Lightning II қирувчисинининг маълумотлар базасини янгилашда ҳисобга олинади. Ҳарбийнинг таъкидлашича, АҚШдан олдин Исроил ўзининг F-35I қирувчиси учун бундай маълумотларни тўплашни бошлаган.