Хитой АҚШнинг савдо масаласи бўйича босимини бефойда деб атади

Фото: AP/ Andy Wong, File

Хитой Ташқи ишлар вазирлиги расмий вакили Хуа Чуньиннинг маълум қилишича, АҚШнинг савдо масалаларидаги босими Хитойга нисбатан фойдасиздир. Бу ҳақда РИА «Новости» хабар қилмоқда.

«АҚШнинг босим ўтказиш бўйича қаттиққўл сиёсати Хитойга қарши фойдасиз, у бу муаммони ҳал қилишга ёрдам бера олмайди. Хитой қўрқув ва асоссиз танқиддан бош эгиши ҳақидаги фикрда бўлган шахслар уйғониши керакдир», - дея айтиб ўтди Хуа Чуньин.

Шунингдек, унинг таъкидлашича, Хитой АҚШ билан савдо-иқтисодий можарода изчил позицияга содиқ бўлиб қолади.

Эслатиб ўтамиз, аввалроқ Хитой ва АҚШ савдо урушидан ЖСТ қурбонга айланиши мумкинлиги хабар қилинганди.

Қайд этилишича, Хитой-АҚШ савдо урушининг кучайиши вақтида Жаҳон савдо ташкилотини ушбу тузилмани йўқотиб қўйишдан ҳимоя қилиш бўйича жараён тезлашмоқда.