Фото: KUN.UZ
29 август куни Тошкент шаҳрининг Юнусобод туманида 2 номаълум шахс “Юнусобод” деҳқон бозорининг орқа томонида М.Турғунбоева кўчасида яшовчи М.Н.ни куч ишлатиш йўли билан қўрқитиб, мобиль телефони ва пулларини олиб кетганлар.
Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
Кўрилган чоралар натижасида ушбу жиноятни Гиссар кўчасида яшовчи Б.Ғ. ва турмуш ўртоғи С.К. содир этганликлари аниқланиб ушланганлар.
