Фото: Фото: Mark Thompson/Getty Images
“Мерседес” жамоаси пойгачиси, британиялик Льюис Ҳэмилтон “Формула-1”нинг 14-босқичи – Италия Гран-присида ғолиб бўлди.
2-ўринни Кими Райкконен (“Феррари”) эгаллади. Финляндиялик пойгачи фаолияти давомида юзинчи марта шоҳсупага кўтарилди. Маррага учинчи бўлиб Вальттери Боттас (“Мерседес”) етиб келган.
Умумий ҳисобда 2-ўринни эгаллаётган Себастьян Феттель (“Феррари”) Ҳэмилтон билан 1-даврада тўқнашгандан кейин кўплаб позицияни йўқотган, бироқ натижада 4-ўринни эгаллаган.
Ҳэмилтон умумий ҳисобда 256 очко тўплаб, етакчилигини мустаҳкамлаб олди. Энди у ортидан келаётган Феттелдан 30 очко олдинда бормоқда.
Пойганинг навбатдги босқичи Сингапурда 13-16 сентябрь кунлари бўлиб ўтади.
