Samsung 4 та камерали смартфон чиқармоқчи

@UniverseIce тахаллусли инсайдер Samsung компанияси 4 та камерали смартфон ишлаб чиқаришини маълум қилди. Янги қурилма йил охиригача тақдим қилинади. 

Инсайдернинг таъкидлашича, қурилманинг асосий хусусияти 4 та модулли асосий камераси бўлади. Унинг айтишича, компания 4 камерали смартфон ишлаб чиқарган илк компанияга ҳам айланади. Смартфон қандай номланиши ҳозирча номаълум. 

Samsung бир йилда иккита флагман смартфон чиқаради ва сентябрь ҳолатига кўра компания янги қурилмалари – Galaxy S9 ва Galaxy Note 9 смартфонларини тақдим қилиб бўлди. 

Айни вақтда камерасининг кўплиги бўйича Huawei P20 Pro смартфони рекордчи ҳисобланади. У 3 та камера билан жиҳозланган.