Тошкентда ички ишлар органлари ходимига тан жароҳати етказишди

31 август куни Тошкент шаҳрининг Яшнобод туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, шу туманда яшовчи Д.Г. уйида жанжал қилаётганлиги ҳақидаги хабарга асосан воқеа жойига етиб келган 3 нафар Яшнобод тумани ички ишлар органлари фаолиятини мувофиқлаштириш бошқармаси ходимлари фуқаро Д.Г.ни тартибга чақирган вақтларида у уйидан пичоқ олиб чиққан ва ходимларни ўлдириш билан қўрқитган.

Шунингдек, уларга фаол қаршилик кўрсатиб, бир нафар ходимнинг юзига қўллари билан уриб жароҳат етказган.