Қўшимча функционаллар
-
Тунги кўриниш
АҚШ уч мамлакатдан элчиларини чақиртириб олди
Фото: Shutterstock
Америка Қўшма Штатлари Доминикан Республикаси, Сальвадор ва Панамадан ўз элчиларини чақиртириб олди. Бу ҳақда Давлат департаменти расмий вакили Хизер Науэрт хабар берган.
Қайд этилишича, бундай қадам ушбу мамлакатларнинг бундан буён Тайванни тан олмаслик бўйича яқинда қабул қилган қарорлари билан боғлиқ.
«Дипломатик миссиялар раҳбарлари Америка Қўшма Штатлари ҳукумати етакчилари билан учрашиб, Қўшма Штатлар Марказий Америка ва Кариб ҳавзасидаги кучли, мустақил, демократик институтлар ҳамда иқтисодиётларни қандай қўллаб-қувватлаши мумкин эканига доир усулларини муҳокама қилади», - дейилади хабарда.
Эслатиб ўтамиз, аввалроқ Осиёда инглиз тилида сўзлашувчи мамлакатлар сони яна биттага кўпайиши хабар берилганди.
Тайвань 2019 йилда инглиз тилини расмий тилга айлантиради. Янгилик тайванликлар орасида инглиз тилида сўзлашиш даражасини ошириши ва уларга чет элда ишлаш имкониятини кенгайтириши керак. Дастур бутун мамлакат бўйлаб икки тилли мактаблар ташкил этишни назарда тутади, бунда инглиз тили биринчи синфдан ўқитилади.
