“Ўзбекистон ҳаво йўллари” Қозоғистонда энг пунктуал авиакомпания деб топилди
Қозоғистон инвестициялар ва ривожланиш вазирлиги фуқаро авиацияси қўмитаси мамлакатга парвозларни амалга оширувчи энг пунктуал авиакомпаниялар рейтингини тузди.
Рейтингга кўра, жорий йилнинг биринчи ярмида энг яхши кўрсаткич "Ўзбекистон ҳаво йўллари" авиакомпаниясига тегишли бўлди.
Бу борада Венгриянинг Wizz Air компанияси иккинчи ўринни эгаллади. Учинчи ўринни LOT Polish Airlines (Польша) авиакомпанияси қўлга киритди.
Қайд этилишича, "Ўзбекистон ҳаво йўллари" МАК барча рейсларнинг 94 фоизини кечикишларсиз амалга оширган.
Ўтган олти ой давомида Қозоғистонга юздан ортиқ рейсларни амалга оширган хорижий авиакомпанияларнинг пунктуаллик рейтинги эса қуйидагича кўриниш олди:
1. "Ўзбекистон ҳаво йўллари" (Ўзбекистон).
2. Turkish Airlines (Туркия).
3. "Сибирь" (Россия).
4. Air Arabia (БАА).
5. Fly Dubai (БАА).
"Ўзбекистон ҳаво йўллари" шу йилнинг июнида Москванинг “Домодедово” аэропорти томонидан ҳам энг пунктуал авиаташувчи деб эътироф этилганди.
Мавзуга оид
20:09 / 20.09.2024
Қозоғистонда хорижликларни депортация қилиш қоидалари кучайтирилиши мумкин
08:30 / 20.09.2024
Қозоғистоннинг Ўзбекистондаги элчиси “Дўстлик” ордени билан мукофотланди
16:07 / 19.09.2024
Қозоғистон 2022 йилдан бери 2,3 млрд долларлик активларни давлат ҳисобига қайтарди
12:30 / 17.09.2024