АҚШ Македониядан ташвишланмоқда

АҚШ Пентагон раҳбари Жеймс Мэттис Россия Македониянинг Европа иттифоқи ва НАТОга аъзо бўлишига бағишланган референдумга таъсир ўтказиши мумкинлигидан ташвиш билдирди. Бу ҳақда The Washington Examiner ёзмоқда.

Таъкидланишича, Мэттис ўзининг Македонияга ташрифи арафасида бундай баёнот билан чиқди. Унинг қўшимча қилишича, АҚШ шу тарзда ушбу мамлакатнинг «халқи билан бирга» эканлигини намойиш этишни хоҳлайди. Мэттис демократик мамлакатлар ишига аралашмаслик зарурлигини таъкидлади.

«Менимча, Россиянинг Эстониядан тортиб Қўшма Штатларгача, Украина, ҳозир эса Македонияга нисбатан қўлламоқчи бўлган сиёсати ва етказмоқчи бўлган зарари ҳар доим чегарадан чиқиб кетади», - дея маълум қилди Мэттис.

Эслатиб ўтамиз, аввалроқ экологик фалокатда фақат Россия манфаат олиши мумкинлиги маълум бўлганди.