Xiaomi ўзининг энг арзон ноутбукини ишлаб чиқарди

Xiaomi компанияси ўзининг энг арзон — Xiaomi Notebook Youth Edition ноутбукини тақдим этди, деб хабар берди Gizchina.

Ноутбук нархи 670 долларни ташкил этади.

Модель FullHD дисплейи диагонали 15,6 дюйм бўлиб, Intel Core i5 процессори билан жиҳозланган. Тезкор хотира ҳажми 8 Гбга тенг. Ноутбукка шунингдек, GeForce MX110 видеокартаси ўрнатилган.

Бундан ташқари, Xiaomi Notebook Youth Edition бир гигабитли Ethernet, HDMI порти, битта USB 2.0 ва иккита USB 3.0 тирқишига эга.

Xiaomi ўтган ойда ўзининг энг арзон флагман смартфони Pocophone’ни намойиш этганди, унинг нархи 300 доллардан бошланади.