Трамп АҚШ бошқаларга яшашни ўргатмаслигига ваъда берди

АҚШ президенти Дональд Трамп БМТ Бош Ассамблеясидаги чиқиши давомида маълум қилдики, расмий Вашингтон бошқа мамлакатларга «қандай яшашни ўргатмайди».

«АҚШ сизга қандай яшашни, қандай иш қилишни ёки қандай уруш олиб боришни ўргатмайди. Биз шунчаки ўз суверенитетингизни ҳурмат қилишингизни сўраймиз», деган у.

Шу билан биргаликда, Америка раҳбари Қўшма Штатлар ҳамиша ўз манфаатларидан келиб чиққан ҳолда ҳаракатланишини маълум қилган.

«Менинг маъмуриятим намойиш этиб берганидек, Америка ҳамиша ўз миллий манфаатларидан келиб чиққан ҳолда иш тутади», деган у.

«Биз ўзимизни алдашларига, бизникиларни қурбон қилишларига йўл қўймаймиз. Америка ҳамиша ўз фуқароларини ҳимоя қилади», дея қайд этган Трамп.

Шу билан бирга у АҚШ глобализм ғоясини инкор этишини билдирган.

«Биз глобализм идеологиясини инкор этамиз ва ватанпарварлик идеологиясини қабул қиламиз», — деган Трамп.

У шунингдек, дунёни социализмга қарши туришга чақирган.

«Социализм ёки коммунизм ҳамиша азоб, ахлоқсизлик ва тушкунлик келтирган. Барча мамлакатлар биргаликда социализмга қарши турмоғи керак.

Биз Венесуэлада инсонларнинг фожиали қисматига гувоҳ бўлмоқдамиз. 2 миллиондан ортиқ киши социалист Николас Мадуро режимидан қочмоқда.

Яқиндагина Венесуэла бадавлат мамлакат эди. Бугунги кунда эса социализм миллатни ҳалокатга олиб келди, нефть захираларига эга бу мамлакат халқи қашшоқликка маҳкум бўлди», деган Трамп.