ИИВ 45-автобусдаги ёнғин ҳақида расмий маълумот берди

Тошкент шаҳрининг Миробод туманида шу йил 28 сентябрь куни Фарғона йўли кўчасидаги “Қўйлиқ ота” бекати олдида Ф.К. бошқарувидаги 45-сонли “Бошлиқ даҳаси - Қўйлиқ 2-даҳа” йўналиши бўйича қатновчи “Мерседес-бенц” русумли автобусининг мотор қисмида ёнғин содир бўлган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, кўрилган чоралар натижасида ёнғин ўчирилган. 

Ёнғин автобуснинг ёқилғи тизимининг носозлиги оқибатида келиб чиққанлиги тахмин қилинмоқда. Жароҳат олганлар йўқ. 

Суриштирув ишлари олиб борилмоқда.