«Реал» 21 асрда илк бор қаторасига 4 ўйинда гол ура олмади

Испания чемпионатининг 8-турида Мадриднинг «Реал» клуби «Алавес»га 0:1 ҳисобида мағлуб бўлди. Бу ўйиндан кейин мадридликлар жамоасининг голсиз ўйинлари серияси 4 ўйинни ташкил этмоқда. Клуб бу ўйинларнинг 3тасида мағлубиятга учради.

«Қироллик клуби» XXI асрда илк марта бундай нохуш серия қайд этмоқда. «Реал» бундан аввал ички чемпионатда «Севилья»га 0:3, ЕЧЛ доирасида ЦСКАга 0:1 ҳисобларида ютқазган, ички чемпионат доирасида «Атлетико» билан дуранг ўйнаган - 0:0. Мадрид клуби аввал шундай салбий натижани 1982 ва 1985 йиллардагина қайд этишганди.

«Реал» мағлубиятга қарамай, турнир жадвалида 2-ўринда қолди. Клуб кейинги тур доирасида 20 октябрда ўз майдонида «Леванте»ни қабул қилади.