«Зарубежнефть» Андижонда нефть қазиб олишни режалаштирмоқда

Фото: Зарубежнефть

«Зарубежнефть» ва «Ўзбекнефтгаз» ноябрь ойида Ўзбекистондаги конларда ҳамкорликда иш олиб бориш бўйича дастлабки келишувни имзолаш борасида музокара олиб боради, деб хабар берди ТАСС.

Қайд этилишича, компаниялар «Андижоннефть» АЖ конларида нефть қазиб олиш бўйича қўшма лойиҳани амалга оширишни режалаштирмоқда. Шу йилнинг ёзида икки компания ўртасида ўзаро англашув меморандуми имзоланган.

«Ноябрда кейинги босқичга ўтишни режалаштирмоқдамиз –аниқ конлар бўйича келишиб олинади ва битим имзолаш бўйича музокаралар бошлаймиз. Келаси йил бошида шартномалар имзоланиши мумкин», - деди «Зарубежнефть» компанияси вакили.