Ким Чен Ин Рим папасини КХДРга таклиф қилди

Фото: Flickr/РИА Новости

Шимолий Корея етакчиси Ким Чен Ин Рим папаси Францискни КХДРга ташриф билан келишга таклиф қилди, дея хабар беради Рёнхап.

Таклиф борасидаги батафсил тафсилотларга аниқлик киритилмаяпти.

Аввалроқ, АҚШ давлат котиби Майк Помпео ва КХДР етакчиси Ким Чен Ин ўзаро учрашув ўтказиб, бир қатор икки томонлама масалаларни муҳокама қилгани маълум бўлганди. Шунингдек, Япония бош вазири Синдзо Абэ КХДР раҳбари Ким Чен Ин билан учрашиш ниятида эканини билдирди.

Ўз навбатида, Россия давлат раҳбари матбуот котиби Дмитрий Песков Ким Чен Иннинг Россияга сафари олдидан тайёргарлик ишлари олиб борилаётганини тасдиқлади.

Эслатиб ўтамиз, бундан аввал АҚШ давлат котиби Майк Помпео КХДРда қуролланган тансоқчиси ва таржимонидан маҳрум қилингани хабар берилганди.

#КХДР #Рим папаси #Ким Чен Ин